Sarah Snook u shfaq shumë e emocionuar për të zbuluar një lajm të madh e tepër personal në tapetin e kuq të premierës së sezonit 4 të “Succession” të hënën mbrëma. Aktorja australiane ka treguar me krenari barkun e saj të rrumbullakosur në një fustan të zi dhe ka konfirmuar për ‘Entertainment Tonight’ se është shtatzënë.
Ky do të jetë fëmija i parë për Snook dhe bashkëshortin e saj, komedianin Dave Lawson, me të cilin u martua në vitin 2021. Teksa përkëdhelte barkun e saj, aktorja u shpreh:
Është emocionuese! Ndihem mirë.
Snook tha për ‘Entertainment Tonight’ se ishte shtatzënë gjatë xhirimit të sezonit të katërt të dramës së saj të vlerësuar nga kritikët. Snook gjithashtu konfirmoi shtatzëninë e saj të martën në “Today” dhe ofroi më shumë detaje, duke përfshirë se ajo priste të lindte në mes të majit dhe se nuk dëshiron të dijë gjininë e fëmijës së saj deri pasi të lindë.
Ylli i HBO-së nuk bëri ndonjë koment për emrat e mundshëm të foshnjës, por emra si Shiv, Kendall dhe Logan duken të gjithë mjaft neutralë sidoqoftë gjinisë. Plus, ata do të ishin një shenjë e mirë për përfundimin e “Succession” i cili do të ketë premierë sezonin e tij të katërt dhe të fundit këtë të diel. Snook tha se ishte e befasuar kur mësoi se sezoni i katërt i satirës së errët do të ishte i fundit – dhe se kasti nuk ishte i sigurt se do të përfundonte derisa të lexonin skenarin përfundimtar.
Ishte diskrete gjatë gjithë sezonit teksa po xhironim. Ne zbuluam gjatë leximit të Episodit 10, se po, do të ishte i fundit. Është një vendim mjaft i guximshëm për të dalë në një nivel të lartë. Unë nuk njoh ndonjë shfaqje tjetër që është bërë me të vërtetë kështu, që thotë: “Oh, ne jemi vërtet të suksesshëm, të gjithë e duan shfaqjen, ne na pëlqen ta bëjmë atë, le ta shkurtojmë”.
