Nëse jeni kurioz për detaje të reja të ceremonisë së famshme, “Brit Awards 2021” ju zbulojmë se kjo ceremoni është caktuar më 11 maj në arënën O2 në Londër dhe pritet të ketë një audiencë prej 4 mijë pjesëmarrësish. Duke qenë se bota akoma ndodhet në kushte pandemie, kjo nuk ka mjaftuar që të vendoset se të pranishmit nuk do të jenë të distancuar nga njëri tjetri dhe nuk do t’ju kërkohet të mbajnë maskë.
Ju duket vendim i duhur?
“Brit Awards” e kanë cilësuar si ngjarjen e parë të mbajtur që nga fillimi i pandemisë, për të rikthyer artistët në skenë. Në një deklaratë të organizatorëve të kësaj ceremonie thuhej se:
Duke punuar ngushtë me qeverinë për t’ju përmbajtur udhëzimeve të sigurisë, kjo do të thotë që britanikët, si shfaqja e parë e muzikës live në “The O2” në më shumë se një vit, do të luajë një rol të rëndësishëm në hapjen e rrugës për kthimin e muzikës live. Ceremonia dhe shfaqja drejtpërdrejt do të jenë pjesë e Programit Shkencor të Kërkimit të Ngjarjeve të Qeverisë, duke përdorur qasje të zgjeruara të testimit për të shqyrtuar se si mund të ndodhin ngjarjet pa nevojën e distancës shoqërore.
Megjithatë, të gjithë pjesëmarrësve do t’u kërkohet rezultati negativ për COVID-19. Rreth 2,500 bileta do të dhurohen në zonën më të madhe të Londrës. 1500 biletat e mbetura do të caktohen për blerje nga artistët e nominuar dhe ekipet e tyre.
