Për vjedhje të sekreteve tregtare, Apple padit OpenAI-n, kompani kërkimore dhe zhvillimi, e specializuar në Inteligjencën Artificiale. Lajmi u raportua nga rrjeti televiziv amerikan CNBC, që vuri në dukje se Cupertino akuzon OpenAI-n për vjedhje të pronës intelektuale, për të zhvilluar harduerin e saj për konsumatorët.
Apple: OpenAI vodhi sekrete tregtare dhe informacion
Padia, e ngritur në Gjykatën e Qarkut të Shteteve të Bashkuara për Qarkun Verior të Kalifornisë, tregon kështu një përshkallëzim të tensioneve midis kompanisë së njohur të teknologjisë dhe zhvilluesit të ChatGPT-së, sistem asistentësh virtual i bazuar në Inteligjencën Artificiale.
Një gjë është e sigurt: në çdo nivel, nga anëtarët e stafit teknik deri te menaxheri i harduerit dhe në koordinim me partnerët e biznesit, OpenAI vodhi sekrete tregtare dhe informacione konfidenciale nga Apple, deklaron kompania në një dokument ligjor.
Konkretisht, padia civile akuzon menaxherin e harduerit të OpenAI-t, Tang Tan dhe Chang Liu-n, nga stafi teknik, për vjedhjen e informacionit konfidencial të Apple-it përmes metodave të ndryshme. Të dy janë ish-punonjës të Apple-it që kaluan te OpenAI.
