Botërori 2026 ka hyrë tashmë në histori si edicioni i parë në mënyrë absolute me 48 skuadra pjesëmarrëse. Kjo do të thotë se ndryshe nga herët e tjera duke nisur nga ky edicion do të ketë një raund më shumë në kompeticionin më të rëndësishëm futbollistik, atë të 1/16 të finaleve
Në SHBA, Meksikë dhe Kanada janë zhvilluar të gjitha ndeshjet e dy raundeve të parë në grupe ku disa prej skuadrave e kanë siguruar kualifikimin për në raundin tjetër, ndërsa ekipe të tjerë janë shumë pranë arritjes së këtij objektivi. Kështu duke parë si kanë shkuar gjërat deri tani, është krijuar një situatë provizore përsa iu përket çifteve që pritet të diskutojnë raundin e 1/16 të finaleve
Ana e majtë te tabelës
Gjermania-Paraguaj ( e para e grupit E – e treta e grupit A/B/C/D/F)
Francë-Suedi (e para e grupit I – e treta e grupit C/D/F/G/H)
Kore e Jugut-Zvicër (e dyta e grupit A – e dyta e grupit B)
Holandë-Marok ( e para e grupit F – e dyta e grupit C)
Portugali-Ganë ( e dyta e grupit K – e dyta e grupit L)
Spanjë-Austri ( e para e grupit H – e dyta e grupi J)
SHBA-Algjeri ( e para e grupit D – e treta e grupit B/E/F/I/J)
Egjipt-Çeki ( e para e grupit G – e treta e grupit A/E/H/I/J)
Ana e djathtë e tabelës
Brazil-Japoni ( e para e grupit C – e dyta e grupit F)
Bregu i Fildishtë-Norvegji ( e dyta e grupit E – dyta e grupit I)
Meksikë-Skoci ( e para e grupit A – e treta e grupit C/E/F/H/I)
Angli-Kepi i Gjelbës (e para e grupit L – e treta e grupit E/H/I/J/K)
Argjentinë-Uruguaj ( e para e grupit J – e dyta e grupit H)
Australi-Iran ( e dyta e grupit D – e dyta e grupit G)
Kanada-Belgjikë ( e para e grupit B – e treta e grupit E/F/G/I/J)
Kolumbi-Kroaci (e para e grupit K – e treta e grupit D/E/I/J/L)
Me 12 grupe nga 4 skuadra secila dhe vetëm 3 ndeshje në dispozicion, probabiliteti që të ketë skuadra me pikë të barabarta është shumë i lartë. Në rast se 2 ose më shumë skuadra në të njëjtin grup janë me pikë të barabarta, FIFA do të aplikojë këto kritere të renditur sipas rëndësisë.
Ndeshjet direkte(nëse barazimi përfshin të njëjtat skuadra)
A) Numri më i madh i pikëve të marra në ndeshjet direkte
B) Golavarazhi më i mirë në ndeshjet direkte
C) Numri më i madh i golave të shënuar në ndeshjet direkte
Kriteret e përgjithshme të grupit(nëse vijon barazimi)
D) Golavarazhi më i mirë në total në të gjitha ndeshjet e grupit
E) Numri më i madh i golave të shënuar në të gjitha ndeshjet e grupit.
F) Klasifikimi disiplinor (Fair Play): e llogaritur në bazë të kartonëve të marrë nga futbollistët dhe stafi
G) Renditja e FIFA: do të përdoret si zgjidhje ekstreme në rast se do të ketë barazim total në të gjitha kriteret
Si përllogariten skuadrat e treta më të mira
E reja e turneut është ‘klasifikimi i ndarë’ që do të vendosë 12 skuadrat që do të renditen në vendet e treta të klasifikimit në grupet e tyre respektive. Vetëm 8 prej tyre do të kalojnë më tej, 4 të tjerat do të eliminohen. Kriteret për të dekretuar 8 ekipet e treta më të mira janë:
Pikët e fituara në grupin e tyre
Golavarazhi i përgjithshëm më i mirë
Numri më i madh i golave të shënuar
Sjellja disiplinore(numri më i vogël i kartonëve të marrë)
Renditja e FIFA(me referim zyrtar adaj të bllokuar në 11 qershor 2026).
Sa pikë duhen për t’u kualifikuar?
Simulacionet statistikore dhe precedentët historikë të turneve me format të ngjashëm konfigurojnë një kuotë sigurie të qartë
5 pikë: Siguri matematikore për kualifikimin
4 pikë: Siguri thuajse e plotë, edhe pse historia tregon se rreziku i 0.1% ekziston(siç janë eliminimet e bujshme të Norvegjisë në SHBA ’94 dhe Ukrainës në Euro 2024(.
3 pikë: Ke rreth 65% mundësi të kalosh si skuadra e tretë më e mirë
2 pikë: Shpresat reduktohen në minimum, me rreth 5% shanse për të kaluar turnin
Përcaktimi i çifteve në 1/16 e finaleve
Me përfshirjen e skuadrave të treta më të mira, tabela e 1/16 të finaleve do të mund të gjeneronte 495 kombinacione të mundshme për përcaktimin e çifteve. Për të evituar kaosin dhe për të garantuar më shumë transparencë FIFA zgjodhi një matricë fikse dhe të paravendosur. Ky algoritëm iu përgjigjet dy kritereve thelbësore; nga njëra anë pengon përballjen e skuadrave që vijnë nga i njëjti grup; nga ana tjetër përcakton kryqëzime standard që sheh disa prej skuadrave të vendeve të dyta të sfidohen mes tyre, ndërsa skuadrat e vendeve të para kanë avantazhin të luajnë me ekipet e dyta ose ato të treta.
