Elon Musk, drejtori ekzekutiv i Teslës, dyshohet se ka pohuar se ka një fëmijë me një yll të muzikës pop japoneze dhe se është i gatshëm të japë spermën e tij për këdo që dëshiron të ketë një fëmijë, sipas një raporti të ri të publikuar nga “The New York Times”.
Raporti hedh dritë mbi jetën personale të Musk pas përfshirjes së tij në fushatën zgjedhore të Donald Trump, duke përfshirë tensione familjare dhe dyshime për përdorim droge.
Një tjetër detaj që ngjalli interes është deklarata e komentatores konservatore Ashley St. Clair, e cila pretendon se Musk e paraqiste ofertën për të dhënë spermë si një akt “altruist”, me qëllim rritjen e lindshmërisë globale.
Sipas “NYT”, Musk, i cili tashmë ka 14 fëmijë, duket i përkushtuar për të rritur këtë numër.
Ai dukej sikur e besonte sinqerisht që këta njerëz duhet të kenë fëmijë
-tha St. Clair për gazetën.
Ndërkohë, vetë St. Clair pranoi në muajin shkurt se ka mirëpritur një fëmijë me Elon Musk.
Në një postim në platformën X, ajo shkroi:
Pesë muaj më parë, solla në jetë një fëmijë. Elon Musk është babai. Nuk e kisha bërë publike më parë për të mbrojtur privatësinë dhe sigurinë e fëmijës sonë, por tashmë kjo është zbuluar nga mediat.
Identiteti i yllit japonez të muzikës me të cilën Musk dyshohet se ka fëmijë nuk është bërë ende publik.
