Biznesmeni dhe modeli shqiptar Elton Ilirjani, i njohur për orientimin e tij seksual dhe hapjen në këtë drejtim, ka festuar 5-vjetorin e martesës me bashkëshortin e tij. Ilirjani, i cili jeton në New York, ka ndarë një moment të bukur me partnerin e tij në rrjetet sociale, duke postuar një foto ku shihet duke mbajtur dorën e tij, ndërsa ata po shijonin një darkë së bashku.
Përshkrimi që ai ka bërë për foton është:
Koha për të festuar pesë-vjetorin e martesës tonë”.
Përveç jetës personale, Eltoni ka tërhequr vëmendjen e mediave dhe publikut së fundmi për ndihmën që i ka ofruar këngëtares Parashqevi Simaku, e cila po kalonte një periudhë të vështirë, duke jetuar në kushte të vështira si e pastrehë.
Biznesmeni ka mundësuar që ajo të qëndrojë në një hotel dhe ka bërë përpjekje për t’i krijuar kontakte me familjen e saj.
Në lidhje me këtë, u raportua gjithashtu se Parashqevi Simaku ka pasur komunikime me ish-bashkëshortin e saj, Robert Nolfe, dhe djalin e tyre, Luka.
Elton Ilirjani ka qenë gjithashtu i pranishëm në media dhe rrjete sociale, duke bërë bujë me aktivitetet e tij humanitare dhe jetën private.
