Më shumë se 30 balena janë shpëtuar pasi mbetën të bllokuara në plazhin Ruakākā, afër qytetit Whangārei, në veri të Zelandës së Re. Departamenti i Konservimit (DOC) i cili është përgjegjës për menaxhimin e shpëtimit të kafshëve detare të bllokuara, tha se shumica e balenave u rifutën dhe notuan përsëri në det. Anëtarët e komunitetit si dhe autoritetet u bënë së bashku për të shpëtuar balenat që rrezikonin.
Bllokimi i balenave është një fenomen natyror ende i paqartë, gjithashtu Zelanda e Re është një prej vendeve ku ka nivelet më të larta të këtij fenomeni në botë. DOC e quajti përpjekjen e shpëtimit “të pabesueshme, me të gjithë duke u bashkuar për balenat”. “Për të parë kujdesin dhe bashkëpunimin e vërtetë që njerëzit kanë treguar për këto kafshë madhështore është e mahnitshme,”-tha menaxheri i operacioneve të departamentit, Joel Lauterbach.
Ai gjithashtu falënderoi të gjitha palët e përfshira në aksion. Bllokimi i balenave dhe delfinëve është i zakonshëm në këtë vend. DOC reagon mesatarisht ndaj rreth 85 rasteve në vit. Ndërkaq, një tingull misterioz i zbuluar mijëra metra nën sipërfaqen e oqeanit Paqësor ka zbuluar njohuri magjepsëse mbi popullatën e balenave në Kaliforni. Balena gjigante e rrezikuar e cila është kafsha më e zhurmshme në planet, është parë rrallë në Monterey Bay, Kaliforni Qendrore dhe është e vështirë për t’u studiuar për shkak të aftësive të saj të gjata dhe të zhytjes së thellë. Por një hidrofon (mikrofon nënujor) i ngulitur në fund të detit dhe i lidhur me Institutin Kërkimor të Akuariumit të Monterey Bay në Moss Landing bëri një zbulim të jashtëzakonshëm pasi regjistroi audio nga 100 milje larg për shtatë vjet. Gjatë kësaj kohe ata kapën një seri tingujsh që më pas u përshpejtuan në një kërcitje të vazhdueshme, që i ngjan zhurmës së televizorit.
