Në ditën e 12 qytetarët janë të vendosur dhe vijojnë protestat. Shqiptarët kërkojnë dorëheqjen e kryeministrit Edi Rama.
Protestuesit kanë nisur marshimin nga sheshi “Skënderbej”, drejt Kryeministrisë.
Kjo protestë i ka bërë të gjithë bashkë kundër keqqeverisjes, arrogancës së pushtetit, korrupsionit të lartë në vend, dhe ka sjellë revoltën e shqiptarëve e cila ka kaluar edhe kufijtë.
Pas një marshimi të jashtëzakonshëm dje në Bulevard, ku morën pjesë qindra mijëra qytetarë, mbahet sot protesta e radhës, e cila ka hyrë në ditën e saj të 12.
Me thirrjet ‘Shqipëria nuk shitet’, edhe sot qytetarë do të vijojë protestën kundër qeverisë, duke kërkuar pareshtur dorëheqjen e Ramës.
Prestigjiozja britanike “The Guardian” ka përzgjedhur pamjet mahnitëse nga bulevardi “Dëshmorët e Kombit” në Tiranë, ku numra masivë protestuesish prej ditësh kërkojnë largimin e kryeministrit Edi Rama dhe qeverisë së tij.
“The Guardian “shkruan se fotoja e protestës së 10-të radhazi, e shkrepur nga Vlasov Sulaj, është përzgjedhur në rubrikën e “Fotos së Ditës” nga media britanike.
Protesta masive ka shkaktuar tërmet në Shqipëri dhe ka bërë jehonë në mediat më prestigjioze ndërkombëtare për masivitetin e saj në revoltën kundër kryeministrit Rama.
