Charles Leclerc është fituesi i Çmimit të Madh të Britanisë, pas një gare spektakolare në Silverstone që u mbyll nën regjimin e makinës së sigurisë.
Piloti i Ferrarit pati një nisje të shkëlqyer, duke parakaluar që në start Kimi Antonellin dhe duke marrë kontrollin e garës.
Piloti italian i Mercedesit reagoi mirë në xhirot pasuese dhe ushtroi presion të vazhdueshëm ndaj Leclerc, por vetëm pak xhiro nga fundi u “tradhtua” nga problemi në makinën e tij, duke humbur shumë pozicione dhe duke e mbyllur garën jashtë zonës së pikëve.
Në vendin e dytë u rendit George Russell, i cili përfitoi nga hyrja e makinës së sigurisë për të siguruar podiumin dhe njëkohësisht për të ngushtuar me 25 pikë të plota diferencën ndaj Antonellit në renditjen e kampionatit. Antonelli mbetet në kuotën 179 pikë. Russell ngjitet në kuotën 136.
Podiumi u plotësua nga Lewis Hamilton, i cili gjithashtu fitoi pikë të rëndësishme dhe afrohet me kreun e renditjes, tashmë me 132 pikë.
LEXO EDHE: “Messi dhe Mbappé janë përpara meje!” Harry Kane dorëzohet për Topin e Artë 2026 dhe zbulon arsyen!
Momenti vendimtar i garës ishte aksidenti i Max Verstappen, i cili doli jashtë piste vetëm pak xhiro para fundit. Incidenti detyroi hyrjen e makinës së sigurisë, e cila qëndroi në pistë deri në flamurin me kuadrate, duke mos lejuar më asnjë ndryshim në renditjen finale.
LEXO EDHE: Botërori pas 1/16 të finaleve, gjithçka kthehet si më parë, dominon Evropa, Afrika ridimensionohet
