Aktori Patrick Schwarzenegger i është përgjigjur akuzave se ai mori një rol në serialin “The White Lotus” ‘falë familjes së tij’. Aktori 31-vjeçar, prindërit e të cilit janë Arnold Schwarzenegger dhe Maria Shriver, pranoi se e frustron fakti kur njerëzit mendojnë se ai ia doli në sipërfaqe falë prindërve të tij të famshëm. “E di që ka njerëz që do të thonë se e kam marrë këtë rol vetëm sepse babai im është Arnold”-tha ai në një intervistë të publikuar së fundmi.
Ai theksoi se të njëjtët njerëz që kritikojnë suksesin e tij shpesh nuk e dinë se ai ka ndjekur kurse aktrimi për 10 vjet, ka punuar me personazhet e tij për orë të tëra, apo që qindra audicione janë refuzuar. “Sigurisht, është zhgënjyese dhe mund të mendosh në atë moment. Do të doja të mos kisha mbiemrin tim, por kurrë nuk do ta ndërroja jetën time me askënd. Jam shumë me fat që kam këtë jetë dhe familjen time dhe prindërit e mi dhe mësimet dhe vlerat që ata më kanë futur tek unë”-pranoi ai.
Para se të merrte rolin e Sakson Ratliff në sezonin e tretë të “The White Lotus”, Patrick kishte role të spikatura në “Scream Queens”, “The Staircase” dhe “American Sports Story: Aaron Hernandez”. Patriku ia vlerësoi edhe babait të tij dashurinë për aktrimin dhe tha se falë tij u dashurua shumë herët me këtë profesion. Megjithatë, prindërit e tij e inkurajuan atë të punonte në industri të ndryshme, gjë që i çoi ata në projekte të përbashkëta. Arnold Schwarzenegger, bodybuilderi, aktori dhe superylli austro-amerikan, ka bërë mjaft emër në botën e argëtimit. A e dini se në kulmin e karrierës së tij, Arnold grumbullonte 20-30 milionë dollarë për film? Dhe nuk ndalet me kaq, ai ka fituar qindra miliona dollarë rroga filmash gjatë gjithë karrierës së tij.
