Grimes, muzikantja e njohur dhe ish-e dashura e Elon Musk, ka folur hapur për diagnostikimin e saj me autizëm dhe ADHD (çrregullim i deficitit të vëmendjes dhe hiperaktivitetit).
Në një postim në X, ajo gjithashtu ka sugjeruar mundësinë e disleksisë, duke shpjeguar se nuk mund të shkruajë pa kontrolluar drejtshkrimin më parë.
Ajo ka shtuar se “obsesionet e saj të çuditshme” do të ishin konsideruar patologjike nëse do të kishte marrë diagnozën më herët.
Grimes ka theksuar se, megjithëse disa vështirësi mund të ishin shmangur, ajo është e lumtur që i ka kapërcyer ato.
Në lidhje me ADHD, ajo beson se prevalenca e lartë e këtij çrregullimi është e lidhur me varësinë nga përdorimi i pajisjeve elektronike.
Për më tepër, Grimes ka shprehur shqetësim lidhur me ndikimin negativ të rrjeteve sociale në shëndetin mendor, duke thënë se këshillat mjekësore të pambikëqyrura dhe përhapja e dezinformatave janë një shqetësim i madh.
Grimes, e cila ka tre fëmijë me Musk – X Æ A-XII, Techna Mechanicus dhe Exa Dark Sideræl, ka bërë të qartë shqetësimin e saj për shpërndarjen e fotove të fëmijëve të saj në internet, veçanërisht duke u përmendur rasti kur Musk mori X Æ A-XII në Shtëpinë e Bardhë.
