Jennifer Lopez është shprehur në një intervistë të bërë së fundmi se po i kapërcen vështirësitë pas divorcit nga Ben Affleck. Aktorja foli për revistën British Vogue me rastin e prezantimit të filmit të saj të ri “Unstoppable”, i cili u realizua nga ish-bashkëshorti i saj, Ben Affleck.
Unë mendoj se disa gjëra nuk më ndodhin mua, ato ndodhin për mua dhe përpiqem të kuptoj se cili është mësimi që duhet të mësoj në këtë moment. Kur mendoj për gjëra të tilla dhe qëndroj në një lloj mendësie më pozitive për të, është më e lehtë ta pranosh atë si një mësim për atë që është.
Ajo ka treguar se gjithmonë mendon se çfarë duhet të mësojë nga situatat e jetës që i ndodhin, ndërsa përmendi se nuk beson në rastësi.
Asgjë nuk ndodh rastësisht. Çdo gjë ndodh për një arsye. Unë gjithmonë pyes veten se çfarë mund të mësoj dhe si të dal në anën tjetër më e mirë, më e fortë, më e arsimuar dhe disi të rritem nga ajo pikë. Mendoj me vete… ‘Faleminderit, Zot. Më vjen keq që më mori kaq shumë. Më vjen keq që të është dashur ta bësh këtë me mua kaq shumë herë. Duhet ta kisha mësuar dy-tri herë më parë. E kuptoj’.
Rikujtojmë se, thashethemet sugjerojnë se dy ish-bashkëshortet e Ben Affleck, Jennifer Lopez dhe Jennifer Garner, po e gjejnë të vështirë të menaxhojnë marrëdhënien me të dhe po përpiqen të balancojnë angazhimet e tij me to dhe me fëmijët e tyre. Sipas një burimi të afërt, Jennifer Lopez ka kërkuar nga Affleck që të kalojë më shumë kohë me të dhe fëmijët e tyre për të ruajtur një model të qëndrueshëm prindërimi dhe një marrëdhënie pozitive familjare. Ndërkohë, një tjetër burim thotë se edhe Jennifer Garner, pavarësisht marrëdhënies që ka me John Miller, dëshiron që fëmijët e saj të mbajnë një lidhje të shëndetshme me babain e tyre. Për këtë arsye, ajo vazhdon ta përfshijë Affleck në aktivitete familjare, duke pasur një respekt të ndërsjellë, edhe pse nuk ka asnjë shans për një ribashkim mes tyre.
