Josh Allen ka mbërritur në Kaliforni përpara dasmës së tij me aktoren Hailee Steinfeld, dhe duket se nuk ka harruar të marrë me vete edhe shkopinjtë e golfit!
Ylli i Buffalo Bills u fotografua në aeroportin Van Nuys të mërkurën, pasi kishte përfunduar pjesëmarrjen në stërvitjet vullnetare me ekipin e tij.
Nga pamja e parë, duket se Allen ka planifikuar një lojë golfi përpara se të thotë “po” në altar.
Detajet e dasmës janë mbajtur kryesisht sekret, por më herët në mars, shoku i skuadrës së Allen, Dion Dawkins, zbuloi rastësisht në një intervistë për NFL Network se ceremonia do të mbahej të shtunën që vjen.
Më pas ai u përpoq të tërhiqej nga ajo deklaratë, duke pretenduar se “nuk dinte gjë”, por dëmi ishte bërë.
Çifti i famshëm e bëri publike fejesën në nëntor të vitit 2024, dhe duket se menjëherë nisën përgatitjet për martesë, pasi vetëm disa muaj më vonë po finalizojnë lidhjen e tyre me një ceremoni.
Ende nuk është bërë e ditur lista e të ftuarve, por pritet që në dasmën e tyre të marrin pjesë emra të njohur nga bota e sportit dhe showbiz-it, për të festuar bashkimin e kësaj dysheje të fuqishme.
