Çifti i njohur, Jimmie Allen dhe Alexis Gale kanë deklaruar se po divorcohen. Këngëtari dhe gruaja e tij njoftuan në Instagram se ata po i japin fund martesës së tyre 2-vjeçare, pavarësisht se Gale është shtatzënë me fëmijën e tyre të tretë. Me anë të një deklarate, dyshja tha:
Pas shumë mendimeve dhe reflektimeve në muajt e fundit, Lex dhe unë kemi marrë vendimin për t’u ndarë. Ndërsa lundrojmë në këtë ndryshim të jetës, ne gjithashtu mund të ndajmë se do të mirëpresim një fëmijë tjetër së bashku më vonë këtë vit.
Këngëtari vuri në dukje se prioriteti kryesor i çiftit është dhe do të jetë gjithmonë sigurimi që fëmijët e tyre të jenë të shëndetshëm, të lumtur dhe të dashur. Ata tashmë kanë vajzat Naomi dhe Zara përveç djalit të Allen, Aadyn që ai ka nga një lidhje e mëparshme. Ish-ylli i “Dancing With the Stars” tha se ai dhe Gale do të vazhdojnë të kenë dashuri dhe respekt për njëri-tjetrin.
Jimmie e mbylli postimin e tij duke kërkuar privatësi gjatë kësaj kohe. Gale ndau një deklaratë të ngjashme në llogarinë e saj në Instagram. Rikujtojmë, se Allen dhe infermierja u martuan fshehurazi në një ceremoni private në qershor 2020 dhe organizuan një martesë më të madhe në Pensilvani në maj 2021. Këngëtari i “Down Home” pranoi në gusht 2021 ndërsa gruaja e tij ishte shtatzënë me Zara se ai nuk donte të martohej kurrë derisa takoi Gale.
