“Lugina e Balenave” në Egjipt (Wadi Al-Hitan), e vendosur në rajonin Fayoum në jugperëndim të Kajros, u ofron vizitorëve jo vetëm një peizazh natyror mahnitës, por edhe një udhëtim përmes miliona viteve historie. I zbuluar nga arkeologë të huaj në vitin 1903, ky lokacion u regjistrua në Listën e Trashëgimisë Botërore të UNESCO-s në vitin 2005 për shkak të fosileve më të ruajtura të balenave në botë.
Raportohet se në këtë luginë janë gjetur mbi 400 fosile detare. Si një muze në natyrë që përmban fosile milionavjeçare, Lugina e Balenave mirëpret vizitorët me kodra të arta dhe formacione shkëmbore të gdhendura nga erozioni. Rikujtojmë, se një zbulim i jashtëzakonshëm fosilesh në Gray Fossil Site në Tennessee ka zbuluar një kapitull të ri në historinë e lashtë të biodiversitetit të rajonit.
Një ekip studiuesish nga East Tennessee State University (ETSU) ka zbuluar një salamandër gjigante plethodontide, Dynamognathus robertsoni, e cila jetoi mbi pesë milionë vjet më parë. Kjo specie e re, që tani ofron një pasqyrë thelbësore mbi ekosistemet e Apalaçeve, ishte një grabitqar i fuqishëm që mund të ketë pasur një ndikim të thellë në evolucionin e komuniteteve të salamandrave të rajonit. Gjetjet kontribuojnë ndjeshëm në kuptimin tonë të jetës parahistorike amfibe në rajonin Jugor të Apalaçeve.
