Benjamin Netanyahu do të dërgojë nesër një delegacion izraelit në Doha për të negociuar lirimin e pengjeve dhe një marrëveshje të re armëpushimi, njoftoi zyra e kryeministrit izraelit.
Ky përditësim erdhi pasi Netanyahu foli me Presidentin e SHBA-së Donald Trump dhe u takua si me të Dërguarin Special të SHBA-së në Lindjen e Mesme, Steve Witkoff, ashtu edhe me Ambasadorin Mike Huckabee.
Kryeministri izraelit “falënderoi Presidentin Trump për ndihmën e tij në lirimin e ushtarit të IDF-së Edan Alexander “, thuhet në deklaratë, ndërsa Trump “përsëriti angazhimin e tij ndaj Izraelit dhe dëshirën e tij për të vazhduar bashkëpunimin e ngushtë me kryeministrin”
Në takimin e tij me Witkoff dhe Huckabee, Netanyahu diskutoi “përpjekjet e fundit për të zbatuar kuadrin e lirimit të pengjeve të paraqitur nga Witkoff” në dritën e zgjerimit të mundshëm të fushatës tokësore të IDF-së në Gaza, vazhdoi zyra e kryeministrit izraelit, duke shtuar: “Për këtë qëllim, kryeministri ka udhëzuar që një mision negociator të dërgohet në Doha nesër.”
Netanyahu sqaroi se “negociatat do të zhvillohen ndërsa fushata ushtarake kundër Hamasit do të vazhdojë”.
