Komediani dhe aktori Pete Davidson ka hapur zemrën për mënyrën se si dëshiron të njihet dhe për atë që ai kërkon të lërë pas në karrierën e tij. I njohur për lidhjet e tij të përfolura me gra të famshme, Davidson ka shprehur se është lodhur nga vëmendja që merr për jetën e tij romantike dhe do të preferonte të ishte i njohur për punën e tij artistike.
Në një intervistë të fundit, 31-vjeçari theksoi se dëshiron që fama e tij të lidhet vetëm me projektet profesionale, si filmat, stand-up komedinë, bamirësinë dhe iniciativat e tij biznesore.
Unë dua të jem prezent vetëm kur ka një film, një shfaqje stand-up, ose një iniciativë bamirësie. Ky është momenti kur dua të më shohin. Nuk dua të jem ai djalë që njihet vetëm për daljet e tij me vajza të famshme
Ky koment vjen disa javë pas një incidenti, kur u përhapën thashetheme të rreme se Davidson ishte dërguar në rehabilitim pas një ndarjeje të mundshme. Në mbështetje të tij, Maria Georgas, një ish-konkurrente e “Bachelor” dhe mike e familjes së komedianit, e hodhi poshtë këtë informacion.
Përveç kësaj, lidhjet e tij më të njohura përfshijnë marrëdhëniet me disa nga emrat më të njohur të showbiz-it, si Ariana Grande, Kim Kardashian, Kate Beckinsale, Cazzie David dhe Madelyn Cline.
Davidson duket se ka arritur në një pikë të karrierës dhe jetës ku dëshiron që vëmendja të përqendrohet te arritjet e tij profesionale, jo te marrëdhëniet e tij personale.
