Drejtoria Vendore e Policisë Lezhë ka bërë publike rezultatet e punës për muajin maj, duke raportuar 142 vepra penale të evidentuara dhe një nivel zbulueshmërie prej 93%.
Sipas të dhënave të prezantuara në një konferencë për mediat, janë identifikuar 145 autorë të dyshuar, nga të cilët 17 janë arrestuar ose ndaluar.
Policia njoftoi gjithashtu se gjatë muajit të kaluar janë kapur 6 persona në kërkim, janë trajtuar 338 konflikte dhe janë evidentuar 6 raste të dhunës në familje.
Policia thotë se janë finalizuar 6 operacione policore të cilat janë ndjekur me metoda speciale hetimi për periudha kohore të ndryshme deri në finalizimin e tyre dhe konkretisht:
• 2 operacione për goditjen e veprimtarisë kriminale në fushën e organizimit të lotarive të palejuara;
• 2 operacione për goditjen e veprimtarisë kriminale në fushën e kultivimit të bimëve narkotike;
• 1 operacion për goditjen e veprimtarisë kriminale në fushën e shitjes dhe shpërndarjes së lëndëve narkotike, në afërsi të shkollave dhe zonave përreth.
• 1 operacion për goditjen e veprimtarisë kriminale të tregut informal të këmbimeve valutore, kryesisht të ushtrimeve pa licencë.
Gjatë hetimeve të këtyre veprave penale në total gjatë muajit, duke përfshirë edhe operacionet e zhvilluara, janë sekuestruar në cilësinë e provave materiale:
5548 fidanë dhe bimë narkotike kanabis sativa;
Rreth 1 kilogram lëndë narkotike kanabis sativa;
Lëndë narkotike kokainë;
2 automjete të trafikuara, të shpallura në kërkim ndërkombëtar;
1 armë zjarri pistoletë;
4 armë të ftohta (thika);
Makineta për lojëra fati, letra bixhozi dhe tavolina pokeri;
Vlera monetare: 65 mijë euro, 6 milion lekë të rinj, 12 mijë dollarë dhe 4 mijë paunde;
9 automjete të përfshira në kryerjen e veprave penale;
Lëndë drusore e prerë në mënyrë paligjshme;
Materiale të tjera që i shërbejnë hetimeve.
