Kompania Belkin ka prezantuar një produkt të ri të quajtur “Stage Power Grip”, i cili është krijuar për të përmirësuar përvojën e përdoruesve gjatë përdorimit të kamerës në iPhone.
Ky aksesor ndihmon në eliminimin e dridhjeve që shpesh shkatërrojnë cilësinë e fotove dhe videove, duke siguruar një mbajtje më stabile të telefonit.
“Stage Power Grip” është një pajisje që lidhet me iPhone-n përmes teknologjisë MagSafe dhe ofron një funksion të dobishëm me butonin e saj, i cili mund të përdoret për të bërë foto ose për të nisur regjistrime video.
Ajo gjithashtu vjen me një kabllo USB-C, e cila mund të përdoret për të karikuar iPhone dhe pajisje të tjera të ndryshme.
Përveç funksioneve të tij për regjistrim dhe fotografim, “Stage Power Grip” mund të përdoret gjithashtu si mbajtëse për iPhone, duke mundësuar përdorimin e telefonit në mënyrë të qëndrueshme për shikimin e videove ose për të realizuar foto nga këndet më të mira.
Pavarësisht se Belkin ende nuk ka zbuluar një çmim zyrtar, kompania ka bërë të ditur se ka ndërmend ta mbajë çmimin nën 80 dollarë.
Gjithashtu, Belkin ka njoftuar se do të zbulojë produkte të tjera gjatë tremujorit të dytë të vitit, përfshirë karikues të rinj.
