Presidenti i SHBA-së, Donald Trump, deklaroi se lufta me Iran është një “ekskursion i vogël” dhe pritet të përfundojë brenda dy javësh.
Komentet u bënë gjatë një aktiviteti në Kongresin e SHBA-së, ku ishte i pranishëm edhe kryeministri i Irlandës, Micheál Martin, në kuadër të festimeve për St. Patrick’s Day.
“Nuk do të zgjasë shumë… jemi padyshim përpara afatit,” u shpreh Trump gjatë fjalës së tij.
Deklarata e Presidentit amerikan vjen në një moment tensionesh të larta në Lindjen e Mesme dhe ka tërhequr menjëherë vëmendjen e mediave dhe analistëve ndërkombëtarë.
Përdorimi i termit “ekskursion i vogël” për një konflikt të mundshëm ka ngritur pikëpyetje dhe reagime, duke pasur parasysh kompleksitetin dhe pasojat që një përplasje me Iranin mund të sjellë në rajon dhe më gjerë.
