Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Showbiz

Miley Cyrus dhe Machine Gun Kelly reagojnë lidhur me nominimet e “Grammy Awards 2022!”

Këngëtarja me famë botërore Miley Cyrus dhe këngëtari, aktori dhe reperi amerikan Machine Gun Kelly kanë reaguar së fundmi pasi albumet e tyre, përkatësisht “Plastic Hearts” dhe “Tickets to My Downfall”, nuk arritën të merrnin asnjë nominim në ‘Grammy Awards’ këtë vit.

Vlen të theksohet se këtë vit asnjë femër nuk u nominua në kategorinë ‘rock’. Machine Gun Kelly, albumi i të cilit ishte albumi i parë ‘rock’ që kryesonte tabelën e ‘Billboard 200’ në më shumë se një vit pas publikimit të tij, menjëherë pasi u shfaq lajmi, reperi shkroi në profilin e tij në Twitter, duke thënë se:

Çfarë problemi ka me çmimet Grammy’s?.

Disa orë më vonë këngëtari postoi disa tekste nga albumi i tij i ri. Miley, albumi i së cilës kryesonte në listat e ‘rock’-ut, postoi në Twitter një artikull të artistëve që nuk kishin fituar Grammy duke përfshirë Jimi Hendrix, Queen dhe Diana Ross.

https://twitter.com/MileyCyrus/status/1463235256920600577?ref_src=twsrc%5Etfw%7Ctwcamp%5Etweetembed%7Ctwterm%5E1463235256920600577%7Ctwgr%5E%7Ctwcon%5Es1_&ref_url=https%3A%2F%2Fwww.buzzfeed.com%2Fnatashajokic1%2Fmiley-cyrus-machine-gun-kelly-grammy-snub

Artistja, më herët ishte e nominuar për “Best Pop-Vocal Album” në vitin 2014, konkretisht për “Bangerz”. Këto nuk janë të vetmet mospërfillje të raportuara nga nominimet e këtij viti. BTS, Megan Thee Stallion dhe Drake çuditërisht të gjithë nuk janë të nominuar, duke marrë parasysh rekordet e tyre nga viti i kaluar.

Më në fund është caktuar edhe data e zhvillimit të ceremonisë më të madhe të ndarjes së çmimeve ‘Grammy 2022’, e cila do të zhvillohet në Los Angeles më 31 janar të vitit 2021 dhe do të transmetohet në ‘CBS’. Çmimet ‘Grammy’ kanë nisur një procedurë komplet ndryshme për zgjedhjen e të nominuarve këtë vit, duke shkuar me një votim gjithëpërfshirës dhe duke eliminuar të ashtuquajturat ‘komitetet sekrete’ të diskutueshme që ishin kujdesur për listat përfundimtare gjatë dekadave të fundit.

Veçanërisht artistja e re Olivia Rodrigo, 18-vjeçarja që nisi karrierën e saj muzikore në fillim të këtij viti me hitin viral “Drivers License”, është nominuar në të gjitha kategoritë e kësaj ceremonie. Por të shumtë kanë qenë edhe këngëtarët dhe artistët e tjerë të famshëm të cilët janë nominuar në shumë kategori. Zbuloni në këtë link listën e plotë të të nominuarve.