Miley Cyrus, është një këngëtare shumë e dashur, e cila është bërë e njohur gjerësisht jo vetëm me anë të artit të saj, por edhe me guximin që ka shfaqur në deklarata të ndryshme, apo edhe në veshje vërtet goditëse. Këtë herë nuk ka qenë veshja ajo që e ka mbajtur Miley në qendër të vëmendjes, por pikërisht ‘zhveshja’.
Ajo kurrë nuk ka patur frikë të shprehë veten, dhe as këtë herë ky parim nuk mund të ndryshonte. Miley u angazhua plotësisht në një foto sesion përreth një ferme në Nashville, ndërkohë që, bukuroshja u shpreh si më poshtë.
Unë vërtet jam një yll rroku.
E veçanta nuk mbetet këtu, teksa Miley guxoi të dalë topless në kopertinën e një interviste të publikuar ditën e mërkurë. Muzikantja 28-vjeçare e deklaroi veten një yll rroku të sprovuar teksa shfaqej vërtet joshëse në atë imazh.
Ndërkohë, ajo kishte një sërë fotosh, ku në njërën shfaqej me këpucë rozë me takë dhe me çorape, teksa poshtë saj kishte me qindra banana në tokë. Duke shfaqur fleksibilitetin e saj, Miley në një tjetër foto me këmbë të ngritur, surprizonte me trupin.
Fotot ishin njëra më e mrekullueshme se tjetra, dhe me siguri fansat nuk ia kanë shqitur sytë për disa sekonda asnjërës prej fotove. Miley gjithnjë na surprizon, qoftë me projekte të ndryshme muzikore, apo qoftë me look-un dhe stilin e saj, dhe të njejtën gjë, bëri edhe këtë herë.
