Pas tërmetit që çoi në shkarkimin e Jose Mourinhos, drejtuesit e Romës zyrtarizuan shumë shpejt pasuesin e portugezit. Daniele De Rossi, ish-kapiten e verdhekuqve, merr detyrën e trajnerit të ekipit të tij të preferuar. Daniele De Rossi ka nisur menjëherë punën me skuadrën e Rimës për të drejtuar verdhekuqtë në vijimin e këtij sezoni pas shkarkimit të Jose Mourinhos. Ish-kapiteni I Romës, është një figurë e dashur në ambientin verdhekuq, por edhe një tip shumë më i afërt me lojtarët, pasi ka lënë futbollin vetëm pak vite më parë dhe shumë prej tyre i kishte kundërshtarë. Toni i tij miqësor me futbollistët shihet edhe nga një bashkëbisedim me Romelu Lukakun, i cili po takonte për herë të parë trajnerin e ri. “Gjithmonë kaq i madh ke qenë? Jam zvogëluar unë atëherë…”, tha duke qeshur italiani para futbollistit belg në videon që është shpërndarë nga klubi verdhekuq.
#DeRossi a #Lukaku: “Ma sempre così grosso sei stato? Me so rimpicciolito io…”
🚀🚀🚀 pic.twitter.com/1Gj7vJZH0C
— Radio Romanista (@radio_romanista) January 18, 2024
Rikujtojmë se vetëm pak ditë më parë, Corriere Dello Sport” zbuloi se të martën e kaluar ishte organizuar një takim në orët e para të mëngjesit në ambientet e klubit. “Eja në zyrën time”, ishte mesazhi i Dan Fridkin për Murinjon. Presidenti kishte udhëtuar posaçërisht nga SHBA për të takuar portugezin dhe për t’i shpjeguar arsyet e shkarkimit. Kjo gjë ndodhi pak pas orës 8, kur bashkë me të birin, Rajan, u takuan me portugezin në klubin verdhekuq. Por Mourinho nuk e ka pritur mirë këtë shkarkim.
Raportohet se mes palëve ka nisur një sherr i mirëfilltë me tone të larta e fyerje në gjuhën angleze, pasi palët i kaloni njëra-tjetrës përgjegjësinë për situatën e Romës dhe krizën e rezultateve. Megjithatë, vendimi ishte përfundimtar dhe i pakthyeshëm, duke bërë që rreth orës 09.30 të komunikohej zyrtarisht për publikun shkarkimi i Mourinho.
