Lionel Messi mund të jetë shumë i zënë me punët e tij por ka gjetur kohë dhe është bërë pjesë e videoklipit të këngës së re të këngëtarit kolumbian Maluma. Ylli argjentinas, kampion i botës është shfaqur në stadiumin DRV PNK të Inter Miamit, ndërsa mban në duar edhe trofeun e kupës të fituar nga skuadra e David Beckham. Teksa prezantoi këngën, Maluma shkroi në Instagram:
Për të madhin Leo Messi.
View this post on Instagram
Në më pak se 24 orë, video është parë nga më shumë se 500 mijë persona.
Lionel Messi është bërë lojtari me më së shumti trofe të fituar në historinë e futbollit pasi fitoi Kupën e Ligës në futbollin amerikan, trofeu ky numër 44 në karrierën e tij. Ky trofe i bashkohet kabinetit pothuajse të tejmbushur, duke përfshirë 10 tituj të La Ligës, katër fitore në Ligën e Kampionëve, shtatë Copa Del Reys, tetë Superkupa të Spanjës, tre Kupa të Botës për Klube të FIFA-s, tre Superkupa UEFA, Kupën e Botës FIFA, Finalissima, Kupa e Amerikës, një Gold Olimpik, një Kupë Botërore U20, dy tituj të Ligue 1 dhe një Trophée de Champions.