Lionel Messi është bërë lojtari me më së shumti trofe të fituar në historinë e futbollit pasi fitoi Kupën e Ligës në futbollin amerikan, trofeu ky numër 44 në karrierën e tij. Ky trofe i bashkohet kabinetit pothuajse të tejmbushur, duke përfshirë 10 tituj të La Ligës, katër fitore në Ligën e Kampionëve, shtatë Copa Del Reys, tetë Superkupa të Spanjës, tre Kupa të Botës për Klube të FIFA-s, tre Superkupa UEFA, Kupën e Botës FIFA, Finalissima, Kupa e Amerikës, një Gold Olimpik, një Kupë Botërore U20, dy tituj të Ligue 1 dhe një Trophée de Champions.
Leagues Cup është trofeu i tij i parë në tokën amerikane dhe vjen pak më shumë se një muaj që nga kalimi i tij në futbollin amerikan. Shtatë herë fituesi i Topit të Artë fitoi titullin e 44-të të karrierës brenda periudhës2004-2023. Rikujtojmë, se futbollisti argjentinas bëri së fundmi debutimin e tij si aktor në një shfaqje televizive argjentinase të quajtur ‘Los protectores’ dhe në të cilën ai luan përballë një treshe përfaqësuesish të futbollistëve. Shfaqja vjen në sezonin e dytë të komedisë “Star Original Productions”, ku shfaqen argjentinasit Adrian Suar, Gustavo Bermudez dhe kolumbiani Andres Parra, të cilët luajnë agjentë të tre futbollistëve.
