Kanye West po hyn në një epokë të re në jetën e tij dhe një ndër ndryshimet e mëdha që kërkon të bëjë është ndryshimi i emrit të tij. Reperi ka dërguar kërkesën një gjykatësi që ligjërisht të ndryshojë emrin e tij para festës së tretë të albumit ‘Donda’.
Kanye West ka ndërruar shumë emra në karrierën e tij si artist, por tani, ai dëshiron që zyrtarisht të njihet si Ye. Reperi paraqiti një kërkesë për të ndryshuar emrin e tij nga Kanye Omari West në “Ye”. Ai deklaroi në dosje se dëshiron të bëjë këtë ndryshim për “arsye personale”.
Në vitin 2018 Kanye shkroi një Twitter ku e kërkonte që atëherë të mbante këtë emër: “I njohur zyrtarisht si Kanye West … Unë tani jam YE.”
Asokohe, ai tha në një intervistë se emri kishte një kuptim më të thellë shpirtëror dhe nuk është aq i thjeshtë sa duket.
Unë besoj se “ye” është fjala më e përdorur në Bibël, dhe në Bibël, do të thotë “ti”. Pra, unë jam ti, unë jam ne, ne jemi ne. Nga emri Kanye, që do të thotë i vetmi, në vetëm Ye – thjesht duke qenë një pasqyrim i së mirës, së keqes sonë, konfuzionit tonë, gjithçkaje. Albumi është më shumë një pasqyrim i asaj që jemi .
Albumi Ye doli muaj para se ishte planifikuar të publikohej albumin Yahndi. Ai projekt në dukje u anulua, kur Kanye publikoi Jesus Is King në Tetor 2019. Ndjekësit e tij besnikë janë ende duke pritur që ai të ndajë me ta projektin e tij të fundit, Donda, i cili fillimisht ishte planifikuar të dalë në treg më 23 korrik.
Në vend që të lançojë albumin në platformat e transmetimit, Kanye ka zgjedhur të organizojë ‘festa dëgjimi’ në të gjithë Shtetet e Bashkuara. Ai ka organizuar dy të tilla në Atlanta, Georgia deri më tani, dhe është planifikuar të mbajë sesionin e fundit në qytetin e tij të lindjes, Çikago më 26 gusht.
