Fabio Capello beson se Gianlugi Donnarumma është portieri më i mirë në botë, por paralajmëron Italinë se Harry Kane është qendërsulmuesi i vetëm klasik në Evropë. Capello, një nga trajnerët më fitues të të gjitha kohërave dhe ish-trajner i Anglisë, e parapriu ndeshjen në një intervistë me ‘Il Corriere dello Sport’. 75-vjeçari u shpreh se:
Italia mund t’ia dalë mbanë, Anglia është një ekip interesant, por ende jo një ekip i madh. Ata nuk kanë shumë cilësi në mesfushë, por janë fizikisht të fortë dhe agresivë. Ata kanë qendërsulmuesin e vetëm evropian, Harry Kane. Ata pësuan presionin e Danimarkës një ditë më parë, por e përballuan pozicionimin e tyre. Italia më ka bërë përshtypje për unitetin dhe dëshirën e tyre për të ndihmuar njëri-tjetrin. Nuk ka egoizëm në ekip. Roberto Mancini kishte bërë një punë të jashtëzakonshme. Italia ka portierin më të mirë në botë, Anglia jo mjaftueshëm. Pyeteni Ancelottin për Pickford. Italia u detyrua të luante me Catenaccio kundër Spanjës, ata dominuan me ritmin dhe presionin e tyre.
La prima pagina del #CorSport ⬇️ pic.twitter.com/M2PcAM7vPR
— Corriere dello Sport (@CorSport) July 9, 2021
Ndërkaq, Jamie Carragher beson se finalja e “Euro 2020” do të shkojë në kohë shtesë dhe penallti, me Anglinë që do ta mposht Italinë për herë të parë në një turne të madh dhe do të fitojë Kampionatin Evropian. Rikujtojmë, se finalja e madhe mes Anglisë dhe Italisë pritet të zhvillohet në Stadiumin Wembley të dielën nga ora 21:00.
