Arkeologët në Izrael kanë zbuluar se, në të kaluarën, njerëzit përdornin një unazë për të parandaluar dhimbjen e kokës pasi e kishin tepruar me alkool. E zbuluar në qytetin Yavne, bizhuteria e lashtë mendohet se përdorej për të sjellë sa më shpejt në vete ata që e ekzagjeronin me alkoolin.
Në një deklaratë për shtyp, arkeologu Amir Golani tha se:
Guri vjollcë që ka kjo unazë është e lidhur me shumë benefite. Njëra prej tyre ka qenë edhe parandalimi i efekteve anësore kur konsumoje shumë alkool.
Unaza u gjet vetëm 150 metra larg mbetjeve të një magazine që përmbante amfora, një lloj kavanozi që përdoret për të ruajtur verën. Vendi i gërmimit është datuar afërsisht në shekullin e 7-të, rreth fundit të epokës bizantine dhe fillimit të periudhës së hershme islame, megjithëse zyrtarët thanë se unaza mund të ishte edhe më e vjetër.
Në njoftimin për shtyp thuhej se:
Unazat e arit të zbukuruara me gur ametist janë të njohura në botën romake dhe ka mundësi që gjetja e unazës t’i përkasë elitave që kanë jetuar në qytet qysh në shekullin III të erës sonë.
Golani gjithashtu spekuloi se unaza, e cila peshon 5.11 gram dikur i përkiste një personi të pasur.
Veshja e xhevahirit tregonte statusin dhe pasurinë e tyre. Unaza të tilla i kishin edhe burrat dhe gratë.