Artistja e madhe e pop-it dhe reggaeton-it në Amerikën Latine Nicki Nicole në një intervistë ekskluzive për HOLA!, foli për emocionet e saj dhe u hap për marrëdhënien me Lionel Messin dhe familjen e tij. Artistja e famshme thotë se e mbështet shumë futbollistin. “Ne argjentinasit mbështesim njëri-tjetrin”,-tha ajo.
Ajo gjithashtu zbuloi se familja e saj me atë të futbollistit njihen me njëri-tjetrin.
Po, e njoh atë. Për fat të mirë e njoh edhe familjen e tij, pasi të dy jemi nga Rosario. Unë do të doja ta shihja në çdo ndeshje dhe ta mbështesja.
Ndërkaq, rikthimi i Messi-t në fushë ishte jetëshkurtër pasi superylli argjentinas u hoq në minutën e 37-të të ndeshjes së Inter Miami kundër Toronto FC në stadiumin DRV PNK në Fort Lauderdale, Florida. Vetëm pak minuta pasi shoku i skuadrës Jordi Alba u plagos, Messi dukej se po përjetonte shqetësim.
Më pas ai hoqi shiritin e kapitenit të tij dhe ia vendosi Deandre Yedlin përpara se të dilte vetë nga ndeshja. Rikujtojmë se së fundmi Spanja ka futur në fjalor futbollistin legjendar. “Inmissionati” është fjala dhe do të thotë ta luash futbollin në mënyrë perfekte dhe me shumë talent. E gjitha e frymëzuar nga ylli argjentinas i futbollit.
