Artisti nga Ferizaj, DJ Regard po korr një sukses të jashtëzakonshëm në arenën muzikore ndërkombëtare. Së fundmi, ai është futur në listën e 100 artistëve me ‘Këngët Më Të Mira Të Vitit 2020’, dhe kjo falë suksesit në bashkëpunimin muzikor me artisten britanike, Raye.
Këtë e ka bërë të ditur “Apple Music”, dhe padyshim DJ i njohur, emri i vërtetë i të cilit është Dardan është ndier mjaft i lumtur dhe ka falenderuar të gjithë ata që e mbështetën në këtë rrugëtim.
Kujtojmë, se Dj Regard dhe Raye publikuan “Secrets” gjatë prillit të këtij viti, e cila u prit dhe u vlerësua shumë mirë nga ndjekësit.
Rikujtojmë, gjithashtu se në “NRJ Music Awards”, DJ Regard u nominua në kategorinë “DJ më i mirë i vitit”. Emri i tij renditet në mesin e DJ më të suksesshëm në botë si Calvin Harris, David Guetta, Dj Snake, Kygo dhe Robin Schulz.
