Shakira ka dhënë lajmin e madh të një turneu botëror gjatë paraqitjes së saj surprizë në festivalin e Coachella-s. Këngëtarja kolumbiane befasoi turmën kur u ngjit në skenën e Coachellas gjatë performancës së DJ Bizarrap për të performuar këngën e tyre të re, La Fuerte.
“Më në fund, ne do të shkojmë në turne. Duke filluar këtu, këtë nëntor në këtë qytet, mezi pres. Nuk mund të kërkoja më shumë”-tha ajo. Shakira gjithashtu ka publikuar së fundmi albumin e saj më të ri “Las Mujeres Ya No Lloran”. Ky është albumi i 12-të në studio i këngëtares dhe i pari në shtatë vjet.
Së fundmi këngëtarja ka folur hapur për të gjitha ndryshimet që i kanë sjellë shtatzënitë, jo vetëm në aspektin familjar apo personal, por edhe në atë profesional. E ftuar në emisionin “Hot Ones” në Youtube, këngëtarja tregoi se zëri i saj ka ndryshuar shumë pasi është bërë nënë.
Vura re se pas shtatzënive zëri im u bë më i trashë dhe më i plotë. Ndoshta të qarat e shumta, pasi jam bërë nënë dhe i gjithë rrugëtimi im në rritjen e dy djemve kanë ndihmuar në ndryshimin e zërit. E kam tepruar me të qarat e mia. Jam bërë shumë Shakira për ta thënë më troç.
Ylli i muzikës ka dy djem nga martesa me ish-partnerin, ish-futbollistin Gerard Pique, Milan, 11 vjeç dhe Sasha, 9 vjeçe. Ndërkaq, Shakira është në një romancë me aktorin britanik Lucien Laviscount por kjo lidhje duket se ka ngjallur shqetësim tek miqtë e saj, të cilët kanë frikë se aktori është në lidhje me këngëtaren vetëm për famë. Lucien ka qenë pjesëmarrës në klipin e kësaj të fundit të këngës Punteria, ku edhe dyshohet që nisi gjithçka.
Burimet e brendshme kanë konfirmuar se ata janë bashkë, por nuk janë ‘shumë të përfshirë’, gjë që ka lehtësuar shumë miqtë e 47-vjeçares Shakira, të cilët thuhet se kanë frikë se ai do t’i thyejë zemrën. Një burim tha për DailyMail se miqtë e saj janë të shqetësuar se aktori hyri në lidhje me Shakira-n vetëm për famë. Më pas u aludua se aktori vetëm dëshiron që njerëzit të dinë emrin e tij, duke qenë se ai ka qenë në lidhje me vajza më pak të famshme.
