Ikona e kinematografisë Robert De Niro është përfshirë në një mosmarrëveshje ligjore me ish-asistenten e tij. Sipas raportimeve të agjencisë së lajmeve, Radar Online, konflikti ligjor mes aktorit të famshëm dhe ish-punonjëses së tij, Graham Chase Robinson, ka të bëjë me disa akuza për abuzim verbal të drejtuar ndaj saj nga aktori. Si i tillë, De Niro u paraqit në gjykatën federale për të dëshmuar kundër akuzave të Robinson, për të cilat ajo pretendon se aktori përdori sharje, dhe u angazhua në biseda të papërshtatshme telefonike me të.
De Niro pas këtyre akuzave ka reaguar duke kritikuar ish-asistenten e tij. Graham Chase Robinson po kërkon 12 milionë dollarë dëmshpërblim. Juria po shqyrton gjithashtu provat në lidhje me një padi të ngritur kundër Robinson nga De Niro në të cilën aktori pretendon se ajo ka vjedhur gjëra prej tij. De Niro po kërkon gjithashtu kthimin e tre viteve të pagës së Robinsonit. De Niro u shpreh ndër të tjera se:
Unë kurrë nuk kam qenë abuziv me të.
Megjithatë, ishte pretendimi i Robinson se aktori preferoi që ajo t’i fërkonte shpinën, gjë që shkaktoi një tjetër zemërim nga De Niro. Robinson ka mbajtur më parë pozicionin e zëvendëspresidentes në kompaninë e prodhimit të De Niro, Canal Productions, por dha dorëheqjen në vitin 2019. Ndër pretendimet e saj, Robinson akuzoi aktorin si një punëdhënës jombështetës, që nxiti një mjedis pune toksik.
Së fundmi rikujtojmë se De Niro ka dhënë një intervistë dhe ka folur për detyrimet e reja që ka pas ardhjes në jetë të fëmijës së tij. Aktori 80-vjeçar ka folur për “Guardian” dhe ka përmendur fëmijën e tij të shtatë, vajzën e tij, Virginia Gia, e cila ka lindur në prill. Në lidhje me rritjen e fëmijëve, aktori tha:
Nuk bëhet më e lehtë. Është ajo që është dhe kjo është në rregull. Domethënë, nuk bëj asgjë shumë të lodhshme. Unë jam aty për të mbështetur të dashurën time. Ajo bën të gjithë punën e vështirë. Por kemi edhe ndihmë, e cila është shumë e rëndësishme.
