Aktori legjendar Robert De Niro ka ngritur shqetësime për shëndetin e tij pasi u fotografua me një mbajtëse krahu gjatë një vizite në Broadway.
Ylli 82-vjeçar u pa me dorën në mbajtëse teksa vizitoi ish-bashkëpunëtorin e tij, aktorin Mark Strong, në adaptimin teatror të “Oedipus” në Studio 54, Nju Jork. Fotot e realizuara backstage tregojnë De Niro-n duke pozuar i buzëqeshur mes Strong dhe aktores Lesley Manville.
Herën e fundit ai ishte fotografuar në mesin e nëntorit në Londër, pa mbajtësen e krahut, çka e bëri shfaqjen e tij të fundit edhe më të habitshme.
Burime pranë aktorit konfirmuan për “People” se De Niro i është nënshtruar një procedure mjekësore së fundmi, por nuk dhanë detaje të tjera. Megjithatë, u bë e ditur se ai nuk do të ketë nevojë të mbajë mbajtësen edhe për shumë kohë.
Në muajt e fundit, aktori ka tërhequr vëmendjen e fansave edhe për shkak të dobësimit të dukshëm fizik.
Në gusht u fotografua me veshje të verës, ku u vu re se dukej më i dobët se zakonisht, ndryshe nga veshjet e trasha të dimrit që mban aktualisht.
Pavarësisht shqetësimeve, De Niro ka qenë mjaft aktiv:
– u shfaq papritur në “Jimmy Kimmel Live!” në shtator,
– vizitoi Papën Leo në Vatikan në fillim të nëntorit,
– mori pjesë në ndezjen e dritave festive të Stella McCartney në Londër.
Kujtojmë se aktori ka kaluar edhe më parë një dëmtim serioz.
Në maj 2021, gjatë xhirimeve të filmit “Killers of the Flower Moon” të Martin Scorsese, ai pësoi një dëmtim të rëndë në këmbë.
E këputa muskujt e kofshës ndërsa po kapërceja diçka. Dhimbja ishte e padurueshme
-ka treguar ai për “Indiewire”.
A ndodh kur je në moshë, duhet të jesh i përgatitur për surpriza.
Megjithatë, ai ka siguruar fansat se dëmtimi ishte i menaxhueshëm dhe nuk e pengoi të vazhdonte xhirimet, pasi roli i tij ishte mjaft statik.
Pas dëmtimit, De Niro u kthye në shtëpi për trajtim, megjithëse udhëtimi ishte planifikuar më herët për një pushim dyjavor nga xhirimet.
Ndërkohë, familja e aktorit ka qenë po ashtu në qendër të vëmendjes, pasi vajza e tij Drena foli së fundmi për vdekjen aksidentale nga mbidoza të djalit të saj, dy vite më parë.
De Niro nuk ka komentuar vetë mbi gjendjen e tij shëndetësore, duke i lënë fansat në pritje të një njoftimi më të detajuar.
