Shkencëtarët besojnë se kanë zbuluar një dinozaur që hante gjitarë. Ata kanë zbuluar fosilin e një dinozauri të vogël me krahë të quajtur Microraptor, i cili jetonte në pyjet e lashta të asaj që sot është Kina gjatë periudhës së hershme të Kretakut rreth 120 milionë vjet më parë.
Paleontologët në Mbretërinë e Bashkuar analizuan mbetjet fosile të një dinosauri të vogël me pendë, i njohur si mikroraptor dhe zbuluan se dukej se kishte ngrënë një gjitar të vogël me madhësinë e një miu. Kjo është hera e parë që zbulohet nga shkencëtarët se një dinozaur ha gjitar. Shkencëtarët zbulojnë provat e para të një dinosauri që hante një gjitar 120 milionë vjet më parë.
Ky dinosaur i veçantë kishte përmasat e një sorre ose një maceje dhe megjithëse ecte kryesisht me dy këmbë, ai ndoshta fluturonte gjithashtu me krahët e tij të gjatë nga pema në pemë në ndjekje të kafshëve të vogla. Dr.David Hone, nga Universiteti Queen Mary i Londrës, i cili është autori i parë i studimit, tha:
Është kaq e rrallë të gjesh shembuj të ushqimit brenda dinosaurëve, kështu që çdo shembull është vërtet i rëndësishëm pasi jep prova të drejtpërdrejta të asaj që ata po hanin.
Rikujtojmë, se një kafkë dinosauri është shitur për 6 milionë dollarë në një ankand. E quajtur Maximus, kjo është një nga kafkat më të plota të dinozaurit ‘Tyrannosaurus Rex’ që është zbuluar. Kjo kafkë iu shit një koleksionisti të ri të artit. “Guardian” raporton se kohët e fundit ka marrë hov një lloj i ri koleksionistësh, pikërisht ata që blejnë në ankande fosile të dinozaurëve.
