Arkivi Kombëtar i SHBA-së ka publikuar mijëra faqe të dhënash në lidhje me vrasjen e senatorit Robert F. Kennedy, sipas faqes së internetit të agjencisë, pas urdhrit të Presidentit Donald Trump për të publikuar informacione të klasifikuara më parë, raporton e përditshmja izraelite, The Jerusalem Post.
Arkivi Kombëtar publikoi mbi 10,000 faqe të dhënash në lidhje me vrasjen e Kennedit, sipas detajeve në faqen e tij të internetit të premten. Masa është pjesë e një përpjekjeje më të gjerë të administratës Trump për të deklasifikuar informacionin rreth vrasjeve të një numri amerikanësh të profilit të lartë.
LEXO EDHE: Trump nis “revolucionin” në shëndetësi! Shkurtim historik i buxhetit dhe mbyllje masive programesh!
Agjencia publikoi më parë të dhëna në lidhje me vrasjen ne vitin 1963 të presidentit të atëhershëm John F. Kennedy, i cili u vra disa vjet përpara senatorit, vëllait të tij.
Motivi
Midis shumë dokumenteve ishte një shënim i shkruar nga Sirhan, i cili ishte 24 vjeç në kohën e vrasjes, i cili thoshte se senatori “duhet të asgjësohet ashtu si vëllai i tij ” pesë vjet më parë. “RFK duhet të vdesë”, shkruante ai vazhdimisht në një ditar të zbuluar më vonë.
Ndërsa Sirhan është palestinez, sulmi erdhi pasi ai u zotua për besnikëri ndaj Rusisë komuniste dhe Kinës. Megjithatë, tani 81-vjeçari pranoi se vrasja ishte e motivuar nga konflikti izraelito-palestinez.
Kennedy u ekzekutua për shkak të mbështetjes së tij gjatë Luftës Gjashtë Ditore të Izraelit në 1967.
