Ish-prezantuesja e njohur amerikane, Wendy Williams, ka shprehur synimin e saj për të ndihmuar persona që përballen me sistemin e kujdestarisë, duke ndarë publikisht përvojën e saj personale pas qëndrimeve në qendrat e rehabilitimit.
Avokati i saj, Joe Tacopina, tha se Williams dëshiron të përdorë historinë e saj për të informuar dhe mbështetur ata që gjenden në situata të ngjashme.
Është kaq e padrejtë, ajo dëshiron të zbulojë sistemin dhe të ndihmojë të tjerët që mund të jenë në të njëjtën pozitë
Edhe miqtë e afërt të ish-prezantueses kanë konfirmuar se ajo gjithmonë ka pasur dëshirë të flasë hapur për këtë çështje, duke u fokusuar në mbrojtjen e familjeve dhe gjetjen e mënyrave për të dalë nga kujdestaria.
Williams ende po ndjek procesin për të dalë nga kujdestaria dhe për të përfunduar rehabilitimin, por burime pranë saj bëjnë të ditur se ajo është e vendosur të ndërmarrë hapa konkretë, përfshirë drejtimin e paneleve dhe fushatave sensibilizuese për të luftuar për të drejtat e individëve të pafavorizuar.
Ajo ka mohuar gjithashtu thashethemet për probleme me shëndetin mendor, duke i cilësuar ato të pavërteta, ndërsa ka theksuar vendosmërinë për ta kthyer përvojën e saj personale në një mision për ndryshim.
