Zendaya ka ndezur thashethemet për një fejesë me Tom Holland pas daljes së saj në tapetin e kuq të Golden Globes 2025, ku u pa duke mbajtur një unazë diamanti.
Unaza e saj verbuese shkaktoi menjëherë reagime të shumta nga fansat, të cilët filluan të spekulonin për një mundësi fejesë.
Një përdorues i emocionuar në rrjetet sociale shkroi:
Një unazë fejesë vendosur qëllimisht në atë gisht? ZENDAYA??
Ndërsa një tjetër pyeti:
A u fejuan Zendaya dhe Tom?
Me një fanse tjetër që theksoi:
Sido që të jetë, më pëlqejnë zgjedhjet e unazave për sonte!
Zendaya dhe Holland, të dy 28 vjeç, i dhanë fund spekulimeve për lidhjen e tyre në korrik 2021, kur u panë duke u puthur, pas shumë viteve miqësie dhe bashkëpunimi në filmat e “Spider-Man”.
Ata janë shpesh subjekt i thashethemeve për fejesë, sidomos pas një fotografie të Zendayas në vitin 2023, ku ajo mbante një unazë në gishtëm e djathtë, duke bërë që fansat të mendojnë se mund të kishin ndërmarrë hapin e madh.
Në atë kohë, Zendaya e sqaroi situatën në një video të fshirë, duke thënë se postimi i saj kishte të bënte me kapelën dhe jo me unazën.
Seriozisht, mendoni se kështu do të zbuloja lajmin?
– tha ajo, duke i fshirë spekulimet e thashethemeve për fejesën.
Megjithatë, ndonëse nuk është e panjohur se çifti është shumë i dashuruar, Zendaya ka shpjeguar më herët pse preferon ta mbajë private romancën e saj me Holland.
Ajo ka theksuar se është e rëndësishme të mbrojë paqen e saj dhe të ruajë disa aspekte të jetës personale nga publiku, duke theksuar gjithashtu se nuk ka asgjë të keqe në të jetuarit e jetës publike në një mënyrë që ofron kontroll mbi atë që ndan.
