Sot ne shpesh planifikojmë të punojmë pak më gjatë në zyrat tona, nesër kemi në plan për të shikuar një serial në “Netflix”, jemi shumë dembelë për të bërë pazar ushqimesh, kështu që porosisim ushqim në internet. Të gjitha këto sjellje na bëjnë dembelë.
Nuk është për t’u habitur që trupat tanë të na japin sinjale se në të vërtetë është koha të kujdesemi për veten. Ju rikujtojmë strategjinë e dietës së Dr.Nick Fuller e cila është strukturuar në mënyrë që të vendosni peshën e dëshiruar të trupit për një periudhë të caktuar kohore. Nuk është dhe aq e shpejtë por mendohet të jetë afatgjatë.
Ja disa sinjale që trupat po ju japin dhe na besoni nuk janë aspak të mira:
Sytë tuaj janë të fryrë.
Sytë e fryrë shfaqen për shkak të periudhave të zgjatura të qëndrimit në një pozicion horizontal. Yoga mendohet të jetë zgjidhja më e mirë. Sapo të filloni të përfshini disa lëvizje në rutinën tuaj të përditshme, sytë e fryrë nuk janë më një problem.
Ju jeni kaps.
Ushtrimet janë të rëndësishme për lëvizjet e rregullta të zorrëve. Nëse pjesën më të madhe të kohës e kaloni ulur, duhet më shumë kohë që ushqimi të lëvizë nëpër zorrën tuaj të trashë. Si pasojë, sasia e ujit që trupi juaj thith nga jashtëqitja juaj është e kufizuar, gjë që sjell kapsllëk.
Ju harroni.
Një studim zbuloi se njerëzit që bëjnë stilin e jetës së ulur tregojnë ndryshime strukturore në tru në zonën e lobit temporal medial. Ky lob është përgjegjës për aftësinë tonë për të memorizuar gjërat. Ushtrimet fizike rrisin kujtesën. Nuk është për t’u habitur që struktura juaj e trurit rritet ndërsa përshtateni më shumë.
Ju dhembin gjunjët.
Lëvizja është sekreti për lirimin e nyjeve të ngushta. Ushtrimet fizike mund të lehtësojnë artritin dhe simptomat e artrozës, veçanërisht ushtrime aerobike me ndikim të ulët. Pacientët me dhimbje kronike të gjurit këshillohen që t’i nënshtrohen një programi ushtrimesh. Duke punuar rregullisht, muskujt tuaj forcohen dhe bëhen më fleksibël.
Ju rritet dëshira për sheqer.
Aktiviteti fizik lufton në mënyrë të përsosur dëshirat e sheqerit. Ajo rrit energjinë tuaj dhe çliron endorfina, të cilat inkurajojnë lumturinë e përgjithshme. Nga ana tjetër, hormonet e lumtura ulin ndjeshëm dëshirat për sheqer. Të bësh mjaft lëvizje gjatë ditës e mban larg depresionin. Kështu që, pa depresion apo gjendje të keqe shpirtërore, nuk ka nevojë për të kërkuar akullore!
