“Nuk besojmë se ka të mbijetuar nga ky aksident”, kjo është deklarata e kreut të kërkim-shpëtimit, pas aksidentit të rëndë ajror në SHBA.
Tashmë shpresat janë shuar për të mbijetuar, teksa në avion ndodheshin 64 persona, trupat e të cilëve po nxirren njëri pas tjetrit.
Deri më tani është arritur nxjerrja e 27 trupave nga avioni i pasagjerëve dhe një nga helikopteri.
Sipas autoriteteve pavarësisht përpjekjeve të grupeve, ata tani po kalojnë nga një operacion shpëtimi në një operacion rikuperimi.
Zyrtarët janë të bindur se do të marrin trupat e të vrarëve në përplasje. Avioni mbante 64 persona, ndërsa në helikopter ndodheshin tre ushtarë.
Aeroporti Kombëtar Eisenhower në Wichita, Kansas, ku avioni i fatkeq rajonal i American Airlines u nis të mërkurën në mbrëmje, solli një ekip vullnetarësh për të mbështetur familjet e viktimave, pasi u morën fjalë për aksidentin.
“Stafi i aeroportit aktivizoi ekipin tonë të ndihmës për incidentet familjare mbrëmë, kështu që nëse anëtarët e familjes u shfaqën në terminal për të pasur informacion shtesë, qoftë edhe për mbështetje, ne ishim atje me ta me ekipin tonë të vullnetarëve së bashku me stafin dhe përfaqësuesit e tjerë të linjës ajrore”, tha drejtori i aeroportit Jesse Romo në një konferencë shtypi të enjten në mëngjes.
American Airlines po dërgon gjithashtu më shumë anëtarë të ekipit të saj mbështetës në Wichita për të ndihmuar familjet dhe anëtarët e ekuipazhit, tha kryebashkiaku i Wichita-s Lily Wu.
