Aktorja kroate IM u dënua për gërvishtjen e makinës së dikujt tjetër në parking, për të cilën mendonte se i përkiste tashmë ish-bashkëshortit të saj. Ajo u dënua me katër muaj për këtë veprim. “Nuk e kam planifikuar. Nuk e di se çfarë më ndodhi në atë moment. Nga inati mora çelësin e makinës dhe e dëmtova sepse mendova se ishte makina e ish-burrit tim.
Domethënë, atë ditë kur dola nga spitali pasi u shtrova në spital, dëgjova se ai kishte një lidhje me një grua të panjohur. Ai u mburr me mua se kishte blerë një makinë të re, kështu që shkova në shtëpinë e të dashurës së tij për ta kontrolluar. Pashë një makinë të re, mora çelësin dhe e dëmtova”,-tha në mbrojtje të saj 55-vjeçarja. Gjithashtu, ajo duhet të paguajë 66.36 euro shpenzime gjyqësore.
Ndërkaq, aktorja ka shprehur keqardhjen dhe pendimin për veprimin e pahijshëm të saj dhe se është e gatshme të dëmshpërblejë pronaren e makinës. Ajo shtoi gjithashtu se e ndihmoi financiarisht ish-bashkëshortin e saj kur ai u transferua tek ajo dhe ia shleu borxhet që kishte në vendin e lindjes. Por pavarësisht gjithçkaje, gjykata vendosi se ajo ka vepruar me dashje dhe e ka dënuar për krimin që ka kryer më 26 prill të këtij viti.
