Babai i Meghan Markle, Thomas Markle, ka shprehur dëshirën e tij për pajtim me të bijën, megjithëse nuk është dakord me disa nga veprimet e saj të mëparshme.
Në një intervistë të dhënë për “Mail on Sunday”, 80-vjeçari tha se, pavarësisht dallimeve, ai do ta dojë gjithmonë Meghan-in, duke shprehur se:
Ka disa gjëra që nuk më pëlqejnë nga ajo që ka bërë, por ndjenja ime për të nuk do të ndryshojë kurrë. Do ta dua gjithmonë dhe dera ime është gjithmonë e hapur për të. Ëndrra ime është që një ditë të mund të bashkoj të gjithë familjen, si një familje normale
Gjithashtu, ai shprehu shqetësimin e tij për fëmijët e Meghan, Archie-n dhe Lilibet, të cilët ai ende nuk i ka takuar. Thomas tha se ka frikë se mund të mos ketë mundësi t’i njohë kurrë nipin dhe mbesën e tij, dhe ndau planet e tij për të lënë përfundimisht Shtetet e Bashkuara.
