Një 18-vjeçar sulmoi me thikë 5 persona brenda një shkolle të mesme në qytetin Changju në Korenë e Jugut, duke plagosur rëndë 3 prej tyre dhe 2 të tjerë më lehtë.
“Policia u njoftua këtë mëngjes se një student goditi me thikë dikë brenda një klase”, tha policia në Provincën Chungbuk në një njoftim për shtyp.
Sulmi ndodhi rreth orës 8:36 të mëngjesit në qytetin Changju, rreth 110 kilometra në jug të kryeqytetit Seul.
LEXO EDHE: Makina merr para turmën e njerëzve! 9 vdekur dhe disa të plagosur, pamjet nga vendngjarja në Kanada
3 persona u plagosën rëndë, përfshirë drejtorin e shkollës së mesme, i cili pësoi lëndime në pjesën e poshtme të barkut, ndërsa policia tha se 2 persona të tjerë u plagosën lehtë, përfshirë një grua, të cilës i riu u përpoq t’i merrte jetën.
I dyshuari, edhe ai i plagosur lehtë, u mor në paraburgim 12 minuta pasi u lajmërua policia për ngjarjen. Ai u përpoq të ikte duke vrapuar në një park, ku u hodh në një liqen, përpara se të arrestohej dhe të dërgohej në spital.
“Ne ende po përpiqemi të përcaktojmë detajet dhe motivin” e sulmit, tha një oficer policie për AFP. Rasti vjen muaj pasi një mësues vrau me thikë një vajzë 8-vjeçare në një shkollë fillore.
Koreja e Jugut në përgjithësi konsiderohet një vend shumë i sigurt, me një shkallë vrasjesh prej vetëm 1.3 për 100,000 banorë në vitin 2021, sipas statistikave zyrtare. Kjo është nën mesataren globale prej 6/100,000.
