Një moment i shumëpritur në shtëpinë e Big Brother VIP Albania ka marrë vëmendje të madhe, por jo pa polemika.
Gjatë ditës së sotme, banorët morën një zarf të veçantë, i cili u lexua nga Selin. Me shumë entuziazëm, ajo njoftoi organizimin e dasmës së dytë të këtij edicioni, pas propozimit të Mateos dhe përgjigjes “po” nga Brikena. Ceremonia pritet të zhvillohet mbrëmjen e sotme.
Megjithatë, ajo që ka tërhequr më shumë vëmendje nuk është vetëm lajmi i dasmës, por reagimet e ndryshme të banorëve.
Në videon e publikuar nga faqja zyrtare e spektaklit, Mateo shihet i lumtur dhe i emocionuar, ndërsa Selin shpërthen në gëzim.
Në kontrast, Brikena ka habitur publikun me qëndrimin e saj më të ftohtë, pa buzëqeshje dhe pa reagime të dukshme emocionale, çka ka ngritur pikëpyetje te ndjekësit.
Komentet në rrjetet sociale nuk kanë munguar: disa shprehen se Brikena nuk duket e bindur për këtë “martesë”, ndërsa të tjerë e kanë marrë me humor situatën, duke thënë se Selin u emocionua më shumë se vetë nusja.
Ky kontrast reagimesh ka shtuar edhe më shumë kuriozitetin për atë që pritet të ndodhë në mbrëmje, duke e kthyer këtë dasmë në një nga momentet më të diskutuara të Big Brother VIP Albania.
