Pas situatës së krijuar me Brikena Selmanin brenda shtëpisë së Big Brother VIP Albania 5, Mateo ka folur hapur në dhomën e rrëfimit për vendimin e tij për t’i dhënë imunitet banores dhe për ta nxjerrë nga rreziku i televotimit.
Ai theksoi se veprimi i tij ishte plotësisht i menduar dhe se nuk ndjen asnjë keqardhje për zgjedhjen që bëri, pavarësisht reagimit të Brikenës.
Sa i përket shpëtimit që i bëra, nuk jam bërë pishman. Bëra atë që doja unë, edhe pse nuk pati mirënjohje për gjestin. Unë i dhashë imunitet, një ‘faleminderit’ do të mjaftonte, por s’ka problem
-u shpreh Mateo.
Sipas deklarimeve të Mateos, ata kanë qenë në një lidhje disa vite më parë, ndërsa Brikena ka pohuar se mes tyre ka pasur vetëm disa shkëmbime mesazhesh.
Situata u tensionua edhe më shumë kur Brikena refuzoi fillimisht të futej në Akuarium, si pjesë e lojës së zgjedhur nga Mateo, duke lënë të kuptohet se reagimi i saj ishte i qëllimshëm.
Marrëdhënia mes dyshes mbetet ende e paqartë dhe pritet që në ditët në vijim të dalin në pah më shumë detaje rreth raportit të tyre brenda këtij edicioni të Big Brother VIP.
