Elbasani dhe Teuta mbeten të pamposhtur edhe pas javës së pestë të Kategorisë Superiore, në të cilën janë ndarë në një barazim pa gola në duelin mes tyre në “Elbasan Arena”.
Të dy skuadrat e luajtën këtë ndeshje me idenë e qartë për të bërë sa më pak gabime në prapavijë, ndërsa në sulm ishin të paqarta në idetë e tyre. Kësisoj, rastet ishin me pikatore, edhe pse lufta nuk mungoi nga të dy ekipet.
Në fund, një pikë u bën punë të dy skuadrave që vazhdojnë të jenë të qeta sa i përket objektivit që kanë në këtë kampionat të cilit i kanë bërë një fillim të mbarë.
Elbasani kryeson kampionatin me 11 pikë ndërsa 5 skuadra janë me nga 7 pikë. Bëhet fjalë për Teutën, Vllazninë, Dinamon, Vorën dhe Egnatian. Në vendin e fundit pozicionohet Tirana.
LEXO EDHE: Daja pas Derbit Tirana – Dinamo: Nuk e bëj unë merkaton!/Bordin pas humbjes: Nuk e merituam!
Derbi Tirana-Dinamo u mbyll me fitoren 1-2 të skuadrës së Dajës ndërsa sfida në Ballsh mes Bylisit dhe Partizanit përfundoi me shifrat 3-1 për vendasit.
REZULTATET
TIRANA 1-2 DINAMO
BYLIS 3-1 PARTIZANI
ELBASANI 0-0 TEUTA
NDESHJET E NESËRME
FLAMURTARI-EGNATIA ORA 19:00
VLLAZNIA-VORA ORA 19:00
