Në çdo episod të “Top Tech” me Mateo Kadriun zbulojmë të rejat më të fundit nga bota e madhe e teknologjisë. Me informacione dhe gjithçka të detajuar rreth risive dhe mundësive që po na ofrohen çdo ditë sidomos nga Inteligjenca Artificiale me avancimin e projekteve nga më të ndryshme.
Nëse mendonit se lajmi më i madh i vitit ishte një raketë që u ul në këmbët e veta, prisni pak. SpaceX sapo hyri në bursë dherezultati ishte aq i madh, sa duket sikur Wall Street vendosi tëinvestojë në vetë planetin Mars.
Kompania e Elon Musk realizoi IPO më të madhe publike nëhistori, duke mbledhur mbi 85 miliardë dollarë. Vetëm në ditët e para, vlera e kompanisë u rrit aq shumë sa SpaceX u ngjit meskompanive më të vlefshme në botë, ndërsa Elon Musk u bëpersoni i parë që kaloi vlerën një trilion dollarëve pasuri në letër.
Dhe këtu fillon pjesa interesante.
Për vite me radhë, SpaceX shihej si kompania që ndërtonteraketa. Sot, raketat janë vetëm një pjesë e historisë. Biznesi më imadh është Starlink, rrjeti satelitor që po sjell internet në çdocep të planetit. Ndërkohë kompania po investon masivisht nëinteligjencën artificiale, data centers dhe projektin Starship, raketën që synon të çojë njerëzit në Mars.
Investitorët duket se nuk po blejnë vetëm aksione. Po blejnë njëbiletë për të ardhmen. Ose të paktën për versionin e Elon Musk për të ardhmen.
Sigurisht, ka edhe skepticizëm. SpaceX vazhdon të shpenzojëmiliarda dollarë çdo vit dhe rruga drejt Marsit nuk është tamamaq e drejtë sa navigimi në telefon. Por tregu duket se ka vendosur një bast të madh: nëse dikush mund ta kthejëfantashkencën në biznes, ai është SpaceX.
