Emri i saj përmendet në 204 shkresa zyrtare, disa prej tyre të redaktuara, por me identitetin e saj të plotë të ekspozuar.
Sipas email-eve të publikuara, kontakti i parë mes tyre daton më 8 shtator 2011. Në mesazhin fillestar, Misse prezantohet si shoqe e Tancredit dhe njofton për qëndrimin e saj në Nju Jork, duke falënderuar për mikpritjen.
Përshëndetje Jeffrey, jam Misse, një shoqe e Tancredit. Ai më tha të të shkruaj në lidhje me qëndrimin tim në Nju Jork. Mikpritja juaj vlerësohet shumë! Do të mbërrij më datë 10 dhe do të largohem më datë 18. Tancredi më ka folur shumë për ju dhe për faktin sa shumë ju vlerëson, dhe mezi pres të takohemi. Me respekt, Missi.
Më pas, asistentja personale e Epstein, Lesley Groff, kërkoi informacione dhe fotografi të saj.
Pak kohë më vonë, vetë Epstein hyri në komunikim, duke organizuar akomodimin e saj në një apartament për mysafirë në Manhattan dhe duke kërkuar detaje mbi mbërritjen. Takimi i parë mes tyre u zhvillua më 17 shtator 2011 në rezidencën e tij në Manhattan.
Përshëndetje Misse, A mund të më dërgosh, të lutem, detajet e mbërritjes tënde në Nju Jork nesër? Kam rregulluar që gjatë qëndrimit tënd të akomodohesh në një nga apartamentet e tij për mysafirë. Adresa është 301 E 66th St. Do të jesh në apartamentin 4M. Portieri do të ketë një letër për ty me kodin e hyrjes së apartamentit; ne nuk përdorim çelësa, por tastierë me kod për të hyrë. A mund të më japësh edhe numrin tënd të telefonit?
Nga bisedat e publikuara kuptohet se komunikimi vazhdoi edhe pas takimit, me tone miqësore dhe personale.
Modelja shprehej:
Zemër, e humba telefonin… lol. Jam në Suedi, kam punë këtu këtë javë, më 10 po nisem për në Milano. Si je? Po mendoja për ty dje… Xxx.
Në disa mesazhe përmenden plane udhëtimesh në Paris, Karaibe dhe Milano, si edhe diskutime mbi shoqe të saj që, sipas saj, shfaqnin hezitim për shkak të marrëdhënieve personale.
Epstein e pyeste:
Jam në Paris, ku je? Sapo mbërrita sot në shtëpi për Krishtlindje. Jam ende beqar, kam dalë me dikë, por nuk jam gati për asgjë serioze ende… Ku je ti?
Një nga email-et e dhjetorit 2011 tregon interesimin e Epstein për jetën personale të modeles, ndërsa komunikimi i fundit i publikuar daton më 22 mars 2012.
Ku je dhe si e ka emrin ai?
Sot, Misse është 39 vjeçe, nënë e dy fëmijëve dhe ish-bashkëshortja e futbollistit danez Anders Lindegaard, i njohur për periudhën e tij te Manchester United.
