Një video që shfaq një grua që mbërrin në Aeroportin Ndërkombëtar John F Kennedy (JFK) të SHBA-së nga Tokio me një pasaportë nga “Torenza”, një vend inekzistent, ka qarkulluar gjerësisht në rrjete sociale. E postuar fillimisht në TikTok dhe më vonë në X në fillim të këtij muaji, videoja e çuditshme tregon gruan që mbërrin në sportelin e imigracionit me pasaportën e Torenzës dhe u shpjegon vendndodhjen e saj oficerëve të hutuar.
https://twitter.com/i/status/1976321696543146141
Incidenti çoi në teori të çmendura rreth dimensioneve paralele dhe udhëtimit në kohë. Megjithatë, siç rezulton, videoja është e gjeneruar nga Inteligjenca Artificiale. Klone të zërit të krijuara nga inteligjenca artificiale tani tingëllojnë po aq reale sa njerëzit, edhe pse jo më reale. Në një test me 150 dëgjues në Mbretërinë e Bashkuar, zërat e përgjithshëm të AI u konsideruan më pak të besueshëm se zërat njerëzorë, ndërsa klonet e zërit u vlerësuan pothuajse po aq reale dhe shpesh ngatërroheshin me zërat e vërtetë njerëzorë. Kur iu kërkua të zgjidhnin “njeri apo AI”, njerëzit mund të dallonin zërat e zakonshëm të Inteligjencës Artificiale, por jo gjithmonë klonet nga zëri real.
Ndërkaq, një studim i Harvardit ka pohuar se Inteligjenca Artificiale mund të na manipulojë duke përdorur një taktikë njerëzore, gjë që mund të jetë një paralajmërim i tmerrshëm për njerëzimin. Shumë kanë paralajmëruar se teknologjia po bëhet gjithnjë e më inteligjente deri në atë masë sa mund të “pushtojë” lehtësisht njerëzimin dhe ka një argument për të thënë se ajo tashmë ka filluar, duke marrë parasysh se disa njerëz janë në marrëdhënie me të, ose janë plotësisht të varur prej saj për punë. Në fund të fundit, “kumbara i Al” Geoffrey Hinton, ka sugjeruar që shpresa e vetme e njerëzimit mund të jetë instalimi i një “instinkti amësor” në programet e ardhshme me Al.
