Një marins ukrainas hodhi veten në erë së bashku me një urë afër Krimeas, për të penguar forcat ruse që të avanconin dhe për të lejuar batalionin e tij të rigrupohej dhe të rivendosej në pozicione.
Vitaly Shakun po minonte urën Henichesk në rajonin e Khersonit, kur rusët përparuan.
Sipas një postimi në faqen e Shtabit të Përgjithshëm të Forcave të Armatosura të Ukrainës në Facebook, batalioni vendosi se mënyra e vetme për t’i ndaluar ata ishte që ai të hidhte në erë urën, por ai nuk mund të largohej dot pasi nuk kishte kohë!
Shakun u dërgoi mesazh kolegëve dhe u tha se do ta hidhte në erë urën. Disa sekonda më vonë, ata dëgjuan një shpërthim, thuhet në postim.
Përpjekjet e tij ngadalësuan në mënyrë dramatike përparimin rus dhe i lejuan shokët e tij të rigrupohen dhe të vendosen përsëri në pozicione.
Ai besohet të jetë në mesin e të paktën 137 personave që vdiqën ditën e parë të luftës, ditën e djeshme.
