Në mbrëmjen e 3 gushtit, gjatë koncertit të tij në Prevezë, këngëtari i njohur grek Konstantinos Argyros nderoi kujtimin e mikut dhe bashkëpunëtorit të tij, Yannis Artopoulos, i cili humbi jetën tragjikisht në një aksident automobilistik në moshën 51-vjeçare. Para se të ngjitej në skenë, Argyros iu drejtua publikut duke kërkuar një minutë heshtje në nder të Yannisit. Në sfond u shfaq një mesazh prekës: “Ky koncert i kushtohet mikut dhe partnerit tonë, Yannis Artopoulos. Nuk do të të harrojmë kurrë.”
Në përfundim të natës, këngëtari u shpreh me emocion: “Sonte kënduam të gjithë së bashku, për jetën, për Yannisin, për gjithçka që na bashkon. Faleminderit që na mbushët zemrat. Preveza do të mbetet përgjithmonë në kujtesën dhe shpirtin tonë.” Yannis Artopoulos ishte një bashkëpunëtor i ngushtë i këngëtarit Konstantinos Argyros.
